Скачать

«Лезги газетдин» цIийи 8-нумра чапдай акъатнава. Ам политикадин отделдин редактор Нариман Ибрагьимова РД-дин Кьиблепатан территориальный округда Дагъустан Республикадин Кьилин патай тамам ихтияр ганвай векил Энрик Муслимовахъ галаз кьиле тухванвай интервьюдилай гатIунзава. Журналистди Энрик Селимовичан вилик лезги районриз, чи халкьдин яшайишдиз талукь са жерге суалар эцигнава: Кьиблепатан Дагъустандиз экономика вилик тухуз куь ва я ни манийвалзава? Лезги районрин рекьер авай гьал, хъвадай ва дигидай цин месэлаяр, Самурдин там, Дербент целди таъминарун ва масабур…

ЦIийи нумрада Къизлярда хьанвай мусибатдикай, Гъалиб Садыкъидин 100 йисаз, Етим Эминан уьмуьрдин рекьиз, гъвечIи карчивилиз, лезги чIалаз ва ам хуьнин месэлайриз, диндиз, ахлакьдиз ва масатемайриз талукь макъалаяр гьатнава.

«Чи ватанэгьлияр- гьар сана» рубрикадиз кваз и сеферда рагьметлу генерал Муьгьуьдин Къагьриманован хва Агьмед Къагьримановакай макъала ганва. Газетда гьакIни лезги генералриз талукь делилар, аялрин махсус чин, «Лезги хуьрер» рубрикадик кваз Къалажухрикай кхьенвай макъала ва маса материалар гьатнава.