Алатай гьафтеда республикадин меркезда «Кубок журналистского братства» лишандик кваз мини-футболдай Дагъус­тандин ва федеральный дережадин СМИ-рин 6 командадин арада акъажунар тешкилнавай.

Турнир ачухуниз талукьарнавай мяре­катда РД-дин Кьилин ва Гьукуматдин­ Ад­ми­нистрациядин руководителдин за­мес­­­ти­тель-информациядин сиясатдин­ ва РД-дин Кьилин пресс-къуллугъдин Уп­рав­ле­нидин начальник Марат Лугуева, РД-дин об­разо­ванидин ва илимдин министерст­водин РДЮСШ-дин директор Александр Маркарова, РД-дин ЦУР-дин регьбер Исрафил Исрафилова, Дагъустандин спортдин баркаллувилин музейдин директор Мурад Канаева ва Махачкъалада клиникадин духтурханадин кьилин духтурдин заместитель Камал Къарачаева иштиракна.

Акъажунрин нетижада 1-чка «ННТ Дагестан» командади кьуна. Адаз кумукьай «РДЮСШ и друзья» команда 2-чкадиз ла­йих­лу хьана. 3-чка Дагъустандин пресс-къул­лугърин ва «Дагъус­тан» РГВК-дин командайрин арада пайна.

КIвенкIвечи чкаяр кьур командайриз «Спорт Лидер» туьквендин патай къиметлу пишке­шар, кубокар, медалар гана­. Мер­гья­матлувилин «Инсан» фон­дуни акъажунрин мугьманриз, иштиракчийриз дадлу ашни чай тешкилнавай.

Къейд ийин хьи, журналист­рин арада мини-футболдай акъа­жунар РД-дин образованидин ва илимдин министерстводин РДЮСШ-ди, РД-дин ЦУР-ди ва информациядин сиясатдинни РД-дин Кьилин пресс-къуллугъдин Управлениди тешкилнавай. И карда абуруз РД-дин Халкьдин Собранидин депутат Гьажимурад Маллаева куьмек гана.