Россиядин Федерациядин Общественный палатади Вирироссиядин жегьил гьакимрин «Хуьруьн кIвенкIвечияр-2025» конкурс башламишнавайдакай малумарнава.
Конкурс хуьрерин мулкар виликди тухунихъ ва и рекье кIвалахдай жегьил пешекарар гьазурунихъ элкъуьрнава. Тешкилатчи Вирироссиядин жегьилрин жемиятдин «Россиядин хуьруьн жегьилрин союз» тешкилат я. Адаз «Сад тир Россияди» ва «ВАРМСУ» ассоциацияди куьмекар гузва. Конкурсди 18 йисалай 35 йисал кьван яшда авай, хуьре яшамиш жезвай, ам вилик тухун патал кIвалахзавайбуруз идара ийидай, яни гьакимвилин вердишвилер къачудай, жемиятдин фикир арадал атунин карда кIвенкIвечияр жедай мумкинвал гузва.
Программадик образованидин рекьяй ва дистанционный ахтармишунар, гьакIни гьукуматдин органра тежриба къачун, пешекаррихъ галаз санал насигьатчияр хьун ква. Конкурс алай йисан эхирдалди давам жедайвал я.
Жасмина Саидова
