Чиркейдин цин гьамбарханада луьт­кве­дай инсанар аватунихъ галаз ала­къа­лу­ агьвалат хьайидалай кьулухъ­ Да­гъустандин гьукумдарри рес­пуб­ли­ка­дин­ цин объектрал гуьзчивал ту­хунин­ ва абур ахтармишунин серенжемар мягькемарда. Идакай РД-дин Кьил Сергей Меликова вичин телеграм-ка­налда кхьена.

«Гьалар гуьзчивилик кутунва. Чахъ авай вири малуматар, видео къайдаяр хуьдай органрив агакьарда. Жавабдарвиликай садни хкечIдач. Хъуьтуьлвал ийидач — гими гьалзавайдав, беледдив, луьт­кведа инсанар ацукьарзавай чкадин сагьибдив, гьакIни чIурувилер далдаламишзавайбурув лайихлу жаза агакьда. Ихьтин агьвалатар Дагъустанда мад таххьун патал чна вири жуьредин серенжемар кьабулда, чи патай гуьзчивал ва ахтармишунар артухарда. Дагъустандиз къвезвай гьар сад вичин хатасузвилин патахъай инанмиш хьун герек я», — кхьенва С. Меликова.

Ихтилат 14-июндиз Чиркейдин цин гьамбарханада арадал атай нагьакьан агьвалатдикай физва. Виликамаз тайи­нарнавай делилралди, йигинвал гзаф ар­тухарайвиляй гьалзавайдавай идара ийиз­ таххьуникди инсанар авай гъвечIи гими лепеди гадарна. Цин улакьда авай вири пассажирар аватна. Гуьгъуьнлай абур азарханадив агакьарна.

С. Салимов