Дагъустандин Ахцегь райондин Кьакарин хуьряй ФСБ-дин къуллугъчийриз яракьар хуьзвай чинебан чка жагъанва. ФСБ-дин делилралди, яракьар хуьзвай чка «кьиблепатан» боевикрин дестединди я.

Яракьар ва маса хъиткьинардай затlар хуьзвай чинебан чка ФСБ-дин къуллугъчийриз махсус серенжемар тухунин сергьятра аваз жагъана.

Дагъустандин къайдаяр хуьзвай органрин малуматрал асаслу яз, «АиФ-Дагъустанди» кхьизвайвал, яракьар авай чинебан чка гьасятда тергна.

Чешмейри кхьизвайвал, чинебан чкада РПГ гранатомет, медицинада ишлемишдай затlар, еке калибрдин патрумар ва маса шейэр авай.

Куругъли Ферзалиев