КIвачел залан тир дишегьлидин уьмуьрдин юлдаш армиядин жергейра авай ва я военный образование къачун патал кIелзавай чIавуз адаз са сеферда пособие гузва. Къенин юкъуз адан кьадарди 42,7 агъзур манат тешкилзава.
— И пул хизан патал важиблу макъамда вичин уьмуьрдин юлдаш армияда авай ва я военный образование къачузвай дишегьлийриз еке куьмек я. Ам «Госкъуллугъар» порталдин куьмекдалди, арада мензил аваз (дистанционно) ва я Дагъустандин Яшайишдин фондунин муьштерийрихъ галаз кIвалахдай къуллугъриз фена, тайинариз жеда, — гъавурда твазва СФР-дин Дагъустанда авай отделенидин управляющий Алжанат Загьидовади. — Гьа са вахтунда пособие тайинарун патал вахтунда, армия ва я кIелунар акьалтIиз зур йисалай тIимил тушиз вахт амаз, арза гун лазим я. Ам тайинарун патал военный частунай ва я военный комиссариатдай, армиядиз фейи ва хтун лазим тир вахтни къалурнаваз, справка лазим къведа.
Малуматда мадни хабар гузвайвал, Яшайишдин фондунин отделенида арзадиз кIвалахдин 10 йикъан вахтунда килигда. Ам тайинарун патал манийвал авачирла, кIвачел залан тир дишегьлидив и пул 5 йикъан вахтунда агакьда.
Аял хайидалай кьулухъ Яшайишдин фондунин отделенидай военный рекьяй къуллугъчидин уьмуьрдин юлдашдиз гьар вацра 18,3 агъзур манат пособие гуда. Ам тайинарун патални «Госкъуллугъар» порталдикай ва я Дагъустандин Яшайишдин фондунин муьштерийрихъ галаз кIвалахдай къуллугърикай менфят къачуз жеда.
Къейд. Россиядин Пенсийрин Фондунин Дагъустанда авай отделенидин пешекарри меслят къалурзавайвал, яшайишдин месэлайрай (пенсия, аялдин пособие дуьз тайинарнавани, авачни ва амай вири суалриз талукь яз жавабар) квевай СФР-дин сайтдай, районра кардик квай пенсийрин отделенийрай (абуру ислендилай хемисдалди — пакаман сятдин 9-далай нянин сятдин 6-далди ва жуьмядиз пакаман сятдин 9-далай нянин сятдин 5 тамам жез 15 декьикьа амай вахтуналди кIвалахзава), гьакIни гьафтедин кIвалахдин винидихъ къалурнавай йикъара ва сятера, телефондин 8-800-100-00-01 нумрадиз зенгна (зенг пулсузди я), чириз жеда.
Рагнеда Рамалданова
