28-октябрдиз Махачкъалада РД-дин рекъемрин рекьяй вилик финин министр Юрий Гьамзатован пресс-конференция кьиле фена. Мярекатдал 30-31-октябрдиз Дагъустанда «Каспий-2025» лишандик кваз кьиле фидай рекъемрин международный дережадин форумдиз талукь месэлаяр веревирдна.
Ю. Гьамзатова СМИ-рин векилриз форумдин кьилин темайрикай, ана иштиракдай экспертрикай, гьялдай месэлайрикай гегьенш малуматар гана.
Къейд ийин хьи, форумда Россиядин 15 региондай, Ирандай, Къазахстандай, Узбекистандай ва са жерге маса уьлквейрай 1000-дав агакьна мугьманри иштиракда. Дагъустан патал еке метлеб авай и мярекатдин сергьятра аваз, республикади Россиядин чIехи компанийрихъ галаз санал кIвалахунин жигьетдай икьрарар кутIунда.
Пуд лагьай сеферда тешкилзавай рекъемрин международный дережадин «Каспий-2025» форум Каспийск шегьерда кьиле фида. Ана Дагъустандин Кьил Сергей Меликовани иштиракда.
«Лезги газет»
