Чи уьлкведин гележег  патал Украинада кьиле физвай махсус серенжемда гзаф рухвайри къати женгер кьиле тухузва, ви­кIегьвилер къалурзава. Ахьтинбурукай са жерге къагьриман рухваяр Россиядин Федерациядин Игитар ва маса шабагьрин сагьибар   хьанва.

Селимов Вадим Максимовича­ СВО башламишай сифтедилай ана иштиракна. Гуьгъуьн­лай­ ам маса аскерралди чарасуз эвезун  герек  къвезвай  са  жерге  аскеррин къурулушдик кваз да­лу патаз ах­къудна.

В. Селимов 1979- йисан 20-ноябр­диз Кьу­­рагьрин хуьре дидедиз хьана. Агълаб­рин школа куьтягьай 1997-йисуз Да­гъустан­­дин политехнический институтдик экечI­­­­на, 2002-йисуз анаг акьалтIарна.

2002-2003 лагьай йисара Краснодардин крайдин Ейск шегьерда  армиядин жергейра къуллугъна.

2006-йисалай Каспийдин флотилияда къуллугъиз эгечIна. Алай вахтунда гьа ина вичин къуллугъ давамарзава.

Россиядин Федерациядин Прези­дент­дин указдалди вичихъ аскердиз хас тир дирибашвал, къаст, жуьрэтлувал хьунай Селимов Вадимаз  Жукован медаль ­гана.

Вадиман буба Максим Штулрин хуьряй­ я. Максим Алибегович халкьдин арада­ гьуьр­мет къазанмишай Алибеган чIехи хи­занда дидедиз хьана. Максиман диде Ай­наханум «Игит диде» медалдин сагьиб я.

Максим Алибегович тийижир кас Кьурагь районда авач жеди. Германияда Советрин Армиядин жергейра­ кьегьалви­лел­­ди къуллугъ авур, чирвилерихъ къаних жегьил Дагъустан­дин хуьруьн майишатдин инсти­тут­дик экечIна, анаг 1977-йисуз акьалтIарна­. Жегьил пешекар Кьурагь район­диз рекье туна. Адакай «Курахский» сов­хозда кьилин агроном хьана. Гьа ина вичихъ халкьдин дуланажагъ хка­жун­ патал­ еке ашкъи­, алакьунар авайди­ къа­лурай Максим Алибегович­ Штулрин, Ашахуьруьн жемятдин­ тIа­лабуналди колхозчийри чпин «1-Май» колхоздин председателвиле хкяна. Гуьгъуьн­лай галатун тийижир, гьар са кардив рикI гваз эгечIиз хьайи пешекар­ «Аладашский» совхоздин директорвиле тайинарна. 1983-1991 лагьай йисара ада Кьурагь райисполкомдин председателдин заместителвиле, РАПО-дин председате­лви­ле, Кьурагь райондин хуьруьн ма­йи­шатдин управле­ни­дин началь­никвиле, партиядин  райкомдин­ кьвед лагьай секретарвиле кIва­лахна. Пен­сиядиз экъечI­на­вай кас алай вахтунда Аладашда яшамиш жезва.

Максим Алибегович туькIвей чIехи хизандин кьил я,  адахъ вад велед ава. Абур халкьдиз вафалу инсанар яз чIехи авунва.

Хва Селима 1998-­ йисуз Дагъус­тандин хуьруьн майи­шатдин институт­, 2010-йисуз­ Санкт-Пе­тербургдин инже­нервилинни эко­но­микадин университет­ акьалтIарна, юриспруденциядай пе­ше­карвилин дип­лом къа­чуна.

РД-дин МВД-дин органра кIвалахна. Яргъал йисара Кьурагь районда ОВД-да полициядин  участковый инспектор ва полициядин участковый инспекторрин начальник яз зегьмет чIугуна. Полициядин майор Селим Максимович женгерин гьерекатрин ветеран я.

Хва Акима 1999-йисуз Дагъустандин хуьруьн майишатдин институт куьтягьна, ам автомобилрин рекьяй пешекар я.  Карчивилел машгъул жезва.

Хва Арифа Дагъустандин педуни­вер­ситет, Санкт-Петербургдин ин­же­нер­ви­­лин­ни экономикадин университет­ акьал­тIар­на, юрис­пруденциядай, 2021- йисуз Да­гъус­­­тандин технический университет куьтягьна­, энергетикадай ва радиотехникадай­ пе­ше­карвилин дип­ло­мар къачуна. 2017-йи­са­­лай ада «Даг­энергодин» Дербент шегьердин электросетрин начальниквиле кIва­­­лах­зава. Руш Мильвара Тюмендин областда медсестра я.

Максим Алибеговичан вири велед­рихъ чпин кIвал-югъ ва туькIвей хизанар ава.

Хуьруьнбуру чпин баркаллу рухвайрал дамахзава.

Сабир  Эфендиев