Ватанэгьлийрин агалкьунар
Чи ватанэгьли, машгьур спортсмен Шамил Мамедова и йикъара юкьварар кьунай Будапештда кьиле фейи кесерлу акъажунра гъалибвал къачуна.
Санлай къачурла, Мамедова 5 бягьс кьиле тухвана ва абур вири 53:1 гьисабдалди акьалтIарна.
Финалда викIегь лезги хци вичин къуватар Ирандай тир Аббас Ибрагьимзадедихъ галаз алцумна. Бягьс 0:12 гьисабдалди Шамилан хийирдиз акьалтIна.
И турнирда вичин бинеяр Ахцегь райондай тир, эхиримжи йисара спортдин рекье хъсан агалкьунар хьанвай Жабраил Гьажиевани иштиракна. Ада 3 бягьс кьиле тухвана. Гьайиф хьи, финалдин акъажуна ам 1:5 гьисабдалди Монголиядай тир спортсмендиз кумукьна, 2-чкадиз лайихлу хьана.
Будапештда кьиле фейи турнирда чи мад са ватанэгьлиди кIвенкIвечи чка кьуна. Ихтилат ахцегьви Анвар Аллагьяровакай физва. Фадлай спортдин майданра вичикай къаст авай, хъсан спортсменрикай хьиз хабар ганвай Анвара и сеферда 3-чка кьуна.
Чна чи ватанэгьлийриз нубатдин агалкьунар мубаракзава!
Агьмед Магьмудов