Пенсиядиз фидай виридаз талукь яш малум ятIани, гзафбуруз, зегьметдин стаждилай аслу яз, 2 йисан фад пенсия къачудай мумкинвал авайди чир тахьун мумкин я.

ИкI, дишегьлийривай и ихтиярдикай 37 йисалай тIимил тушиз зегьметдин стаж авайла менфят къачуз жеда, итимривай – 42 йисалай тIимил тушиз зегьметдин стаж авайла. Кьве дуьшуьшдани 30-далай тIимил тушиз пенсийрин коэффициент (ИПК – индивидуальный пенсионный коэффициент) аваз хьана кIанзава.

Гзаф аялар авай дидейривай пенсиядиз фад физ жеда: пуд аял авайбурувай – 57 йис хьайила, кьуд аял авайбурувай – 56 йис хьайила, вад ва адалай гзаф аялар авайла – 50 йис хьайила. И кар патал­ гьар са аялдиз 8 йис тамам жедалди тербия гун чарасуз я, гьакIни 15 йисалай тIимил тушиз страховой стаж ва 30-далай тIимил тушиз ИПК аваз хьана кIанзава.

Яргъалди давам хьайи стаждик Россиядин яшайишдин фондуниз страховой­ паяр гайи муддатда авур кIвалахар, ас­кервиле къуллугъ авун, дяведин махсус­ серенжемда иштиракун ва зегьмет чIугу­низ вахтуналди къабил туширвиляй махсус пособие къачур муддатар акатзава. МФЦ-дин пешекарри тестикьарайвал, 1,5 йис тамам жедалди аялдихъ гелкъвей муддат ихьтин стаждик акатзавач.

Стаж МФЦ-да, Госкъуллугърин порталда ва я Россиядин яшайишдин фондунин муьштерийриз талукь къуллугъда чириз жеда. 

"Лезги газет"