И йикъара Дербент райондин Мамедкъала поселокдин стадиондал райондин ГО-динни ЧС-дин (гражданвилин оборо­надинни кьетIен  гьаларин) отделдин ва  медидарайрин  ученияр кьиле фена.

Ана Белиж, Мамедкъала поселокрин, Падар, Чинар, Геджух, Рубас, Агъа Жалгъан хуьрерин участокрин больницайрин  духтурринни медсестрайрин бригадайри иштиракна.

Ана гьакl Дербент райондин администрациядин кьилин заместитель Анвер Гьажимура­дов­, рай­ондин ГО-динни ЧС-дин отделдин кьилин пешекар Муь-гьуь­дин Мирзоев ва духтурар-экспертар авай. Мярекат ачухай райондин кьилин духтур Рашид Абдулова ихьтин серенжемар тухунихъ важиблувал авайди къейдна.

Ученийра иштиракай бригадаяр хкягъай билетрай тапшуру­гъар кьилиз акъудиз гьазур хьана. Бригадайри бедбахтвилик акатайбуруз: кlвалера газ хъиткьинайла, кlвалер чкlайла гъил-кlвач хайибуруз ва маса хасаратвилер хьайибуруз  тади куьмек гунин карда чпихъ авай алакьунар, чирвилер къалурна. Пешекарри 1-чка Мамедкъаладин, 2-чкаяр Рубас ва Геджухдин ва 3-чкани Белиж поселокдинни Падардин махсус бригадайриз гана.

Нетижаяр кьур Анвер Гьажимурадова ученияр хъсандиз гьа­зурна кьиле тух­вай­­ди къейдна.

Къагьриман  Ибрагьимов