Алай йисан 26-июндиз Къизилюрда, Сив хуьнин сувариз талукьарна, волейболдай Дагъустандин Кьил Рамазан Абдулатипован ва Къизилюрт райондин администрациядин хкянавай командайрин арада дуствилин матч кьиле фена. 2:0 гьисабдалди Республикадин Кьилин хкянавай командади гъалибвал къазанмишна. Дуствилин матчда Рамазан Абдулатипова активнидаказ иштиракна, и къугъуник кьил кутурдини ам вич тир.
Къейд авун лазим я хьи, Дагъустандин Кьили республикада спорт, кьилди къачуртIа, волейбол вилик тухуник лайихлу пай кутазва. Са йисалай артух вахт инлай вилик “Труд” стадиондин патарив волейболдин центр (Елена Исинбаевадин тIварунихъ галай) ачухнай. Ам меркезви жегьилрин рикI алай чкайрикай садаз элкъвенва.
