Мугьаммад пайгъамбардин (Аллагьдин салават ва салам хьуй вичиз) гьадисра лагьанвайвал, берекатрив ацIанвай рамазандин варз акваз-такваз акъатна, чаз гьакьван рикIиз чими сувар алукьнава.

Рамазандин вацра сивер хвейи инсанар руьгьдин жигьетдай михьи жезва, абуру рикIин сидкьидай авур дуьаяр Аллагьди кьабулзава.

«Лезги газетдин» редакциядин коллективди квез виридаз мусурманрин кьилин суваррикай сад тир Сив хуьнин сувар мубаракзава.

И пак вацра куьне хвейи сивер, авур къени крар, гайи садакьаяр Сад Аллагьди кьабулрай! Куь кIвалера — берекат, рикIера — иман, мецерал Аллагьдин тIвар хьурай. Чаз квехъ чандин сагъвал, бахтлувал, агалкьунар хьана кIанзава.

Сив хуьнин суварихъ галаз алакъалу яз, РД-дин Гьукуматдин къарардалди 31-март ва 1-апрель Дагъустанда кIвалах тийидай йикъар яз малумарнава.

«Лезги газет»