Электронный къул
МФЦ-дин идарада мягькемарнавай хсуси къул туькIуьриз жеда. Ам ишлемишиз хьунин муддат са йис я. (Адаз куьрелди УКЭП лугьузва – усиленная квалифицированная электронная подпись). И къул ихьтин дуьшуьшра ишлемишиз жеда:
– сотовый алакъайрин операторрихъ галаз икьрар кутIундайла;
– машин маса гунин ва къачунин икьрар туькIуьрдайла;
– пенсиядин кIватI хьанвай паюникай малуматар къачудайла;
– гьакъи гуналди, вузра кIелунин икьрарар кутIундайла;
– бизнес ФНС-дин сайтда регистрация ийидайла;
– ипотекадин икьраррал къул чIугвадайла (бязи банкара);
– кредитрин жигьетдай жува-жуваз къадагъа тайинарунин арза вугудайла.
УКЭП туькIуьрун патал паспортни гваз мукьвал алай МФЦ-диз фена кIан жеда.
"Лезги газет"