ЦIийи ктабар

Алай аямдин Дагъустандин­ эдебиятдин виридалайни­ ла­йихлу векилрикай сад тир Да­гъус­тандин халкьдин шаир ­Арбен Къардашан шииррин цIийи кIва­тIал и йикъара «Мавел» чап­ханада акъатна. «Шалбуз дагъдин хъипрепI» тIвар алай ктабда гьатнавай шиирар лезги чIалай урус чIалаз машгьур таржумачи Евгений Чеканова элкъуьрнава. Гаф кватай чкадал лугьун хьи, тIвар кьунвай таржумачи фадлай «лезгийрин таржумачи» яз машгьур хьанва, ада чи хейлин шаиррин эсерар урус чIалаз таржума авунва.

Ктабда гьатнавай эсерра таржумачидилай лезги меде­ни­ятдин кьетIенвилер, милли рангар хуьз алакьнава. Сифте чина къейднавайвал, А. Къардашан лирикада­ шадвални туькьуьл хажалат, ре­гьимлувиликай­ни пис­­ви­ликай фи­лософиядин веревирдер сад-садан къвалав гваз аквазва. Кьисметрикай, майилвилерикай адан руьгьдин деринрай сидкьивилин гьиссер къвезва.  

КIватIал «Череп» риваятдалди акьалтIзава. ГъвечIи кIа­лубдин ктаб 144 чиникай ибарат я, тираж 2 агъзур экземп­ляр я.

Чи  мухбир