Дагъустандин Огни шегьердин администрация­­дин кьил Замир Гьажимурадова, шегьер­дин­­ собранидин председатель Эседуллагь­ Гьа­са­нова ва военный комиссар Фарид Му­са­ева дяведин махсус серенжемда ви­кIегьви­лелди иштиракай, Ватандин итижар хуьз, душмандихъ галаз игитвилелди женгер чIугур кьегьалрин багърийрив гьукуматдин шабагьар вахкана.

Къизгъин женгера телеф хьайи сержант Усман Къурбанов лайихлу хьайи «Жуьрэтлувиляй» орден адан хва Рамазанав вахкана.

Телеф хьайидалай кьулухъ «Жуьрэтлувиляй» ордендиз жергедин аскер Шараф Ражабовни лайихлу хьанвай. З. Гьажимурадова орден Шарафан бубадив вахкана.

«Чи жегьил кьегьалри уьлкведин ислягь гележег, Ватандин аслу туширвал патал чпин чанар къурбандна. За квез шегьердин вири агьалийрин тIварцIихъай башсагълугъвал гузва. Ахьтин рухваяр чна садрани рикIелай алуддач. Абур Ватан кIан хьунин, адаз намуслувилелди къуллугъ авунин жигьетдай акьалтзавай несилдиз хъсан чешне я», — лагьана З. Гьажимурадова.

*  *  *

Дербент райондин администрациядин кьил Мавсум Рагьимова старший лейтенант Тимур Алиевав «Дирибашвиляй» I дережадин медаль шад гьалара вахкана. ВикIегь офицердин кьегьалвилер «Жуьрэтлувиляй», «Дирибашвиляй» II дережадин медалралди, «Женгера тафаватлу хьунай» знакдалдини къейднава.

Дяведин махсус серенжемда иштиракдалди­ вилик Тимур Алиева Забайкальедин военный ок­ругда, Борза шегьерда къуллугъзавай. Вичин вези­фаяр ада чешнелувилелди кьилиз акъудзавай­. Украинадин миллетбазрихъ галаз женгерик эке­чIай­лани, Алиева уьтквемвал къалурна, гьихьтин­ тап­шуругъ ганатIани, лайихлувилелди кьилиз ­акъудна.

Залан хирер хьайи офицер са шумуд вацра госпиталра хьана. Са бубат кIвачел ахкьалтайла, ам хайи райондиз хтана. Гьукумдин чкадин органри ам кIвалахдик квачиз тунач. Алай вахтунда Алиев Дербент ва Дагъустандин Огни шегьеррин военный комиссариатдин къуллугъчи я.

Абад Азадов