И йикъара чав Дербент шегьердай пашман хабар агакьна — 18-августдиз вичин ери-бине Кьурагьрин хуьряй тир муаллим Къурбанова (Абдулмежидова) Шукуфат Халидовна, 74 йисан яшда аваз, рагьметдиз фена.
Сифтегьан классрин муаллим Шукуфат Халидовна аялриз дуьзгуьн тербия ва дерин чирвилер гунин рекье кьетIен бажарагъ авай пешекар тир. Ада Кьурагьрин 1-нумрадин, Огнидин ва Дербентдин 21-нумрадин мектебра гьакъисагъвилелди зегьмет чIугуна. ГьакIни ада 21-нумрадин мектебда рушариз кар-кеспидин жигьетдай зегьметдин тарсар гузни кIвалахна.
КIелдай йисара Шукуфат Халидовнадихъ галаз санал фу тIуьр Мариян Бугаевади ва Кьурагьрин «Гияр» кIватIалдик квай вахарини стхайри, гьакIни регьметлуда тарс гайи аялри Шукуфат Халидовнадин хизандиз, мукьва-кьилийриз ва багърийриз, дериндай хажалат чIугунивди, башсагълугъвал гузва.
