«Лезги газетдиз» РД-дин Гьукуматдин пресс-къуллугъди хабар гайивал, 2-апрелдиз Дагъустандиз Россиядин просвещенидин министр Сергей Кравцов мугьман хьана. Ам чкадин илимдин, образованидин са шумуд идарадиз фена, гуьруьшар кьиле тухвана. Абурун арада Р. Гьамзатован тIварцIихъ галай Дагъустандин гьукуматдин педагогвилин университетни авай.
ДГПУ-да Сергей Кравцов жегьилриз ватанпересвилин тербия ва женгининни спортдин рекьяй вердишвилер (чирвилер) гудай Центрадин кIвалахдихъ галаз таниш хьана. Къейд ийин хьи, Россиядин Игит Залибег Умаеван тIварцIихъ галай и Центр алатай йисуз ачухнай.
Дагъустанда С.Кравцова кьиле тухвай гуьруьшра РД-дин Гьукуматдин Председателдин заместитель Муслим Телякавова, РД-дин образованидинни илимдин министр Ягья Бучаева ва масабуру иштиракна.
«ЛГ»
