Чи ватанэгьли Сулейман Керимова Дагъустанда къати марфар къунин нетижада зиянар хьанвай дагъустанвийриз куьмекар гудайвал я. Идакай РФ-дин Госдумадин депутат Хизри Абакарова вичин ТГ-каналда хабар гана.

Хизри Абакарова шегьеррин, район­рин кьилеривай зарар хьанвай агьалий­риз талукь делилар вичел агакьарун тIа­лабнава. Телефондин и нумрадин ва электронный почтадин адресдин куьмекдалди: +7 (916) 505-01-01; sofiya.allo@mail.ru

И йикъара Хизри Абакаров арадал атанвай гьаларихъ галаз чкадал таниш хьун патал Москвадай Дагъустандиз хтана, Мамедкъала поселокда, Великент хуьре, бедбахтвилин дуьшуьшдик акатна, телеф хьайибурун хизанриз Сулейман Керимован патай башсагълугъвал гана.

Чи мухбир