И мукьвара Грецияда грэпплингдай дуьньядин кIвенкIвечивал патал кьиле фейи акъажунра Рустам Гьажимурадова 1-чка кьуна. Ам Ханты-Мансийскдин Автономный округ — Юградин, Тюмендин областдин, Вирироссиядин ва международный турниррин гъалибчи ва призер я.
Чпин ери-бине СтIал Сулейманан райондин Эминхуьряй тир Хизри ва Сейран Гьажимурадоврин хизанда Сургут шегьерда дидедиз хьайи Рустам гьеле школада кIелзавай йисара кьуршахар кьунал машгъул жез башламишна. Алай вахтунда ада Сургутдин университетда кIелзава, спортда вичин устадвал хкажзава ва алакьунар къалурзава, аквазвайвал, хъсан нетижаярни къазанмишзава. ЧIехи агалкьун мубарак авуналди, чаз Рустамахъ кIелунра ва спортдин рекье мадни еке агалкьунар хьана кIанзава.
Хазран Кьасумов
