2024-йисан  сифте кьилелай  шегьеррин арада къекъвезвай поездар Дагъустан Республикадин агьалияр ва мугьманар патал  рикI алай улакьдиз элкъвенва. Кеферпатан Кавказдин ракьун рекьерин пресс-къуллугъди хабар гузвайвал, 2024-йисан январдилай октябрдалди «Махачкъала — Дербент» рекьяй 731 агъзур пассажир тухванва, «Хасавюрт — Махачкъала» рекьяй — 413 агъзур кас.

Идалайни гъейри, Кеферпатан Кавказдин  ракьун рекьин маса маршрутрани  игьтияж гзаф хьанва:  «Минеральный Ятар — Кисловодск» рекьяй 5,2 миллион кас тухванва. Малум жезвайвал, им виридалайни машгьур тереф я. Кьвед лагьай чкадал «Туапсе — Имеретиядин курорт» ала — тахминан 4,9 миллион пассажир. Пуд лагьай чкадал 3,8 миллион кас санай масаниз тухвай «Ростов — Таганрог» рехъ ала.

Амина  Муслимова