ГьикI кьенятда?

Догазификациядин программадин­ сер­­­­гьятра аваз, агьалийрин участок­рин сергьятдал кьван газдин турбаяр­ пул­суз­ тухузва. КIвалин иесиди анжах вичин учас­токда турбаяр тухунин, гьакI­ни тадаракар (плита, котел ва мсб.) маса къачу­нин, эцигунин кIвалахриз акъат­дай пул гуда. Идакай «Дагъустан патал газ» телеграм-каналди хабар гузва.

Чешмеди гьа са вахтунда раижзавайвал, Дагъустандин агьалийривай винидихъ къалурнавай (участокда турбаяр тухунин, газдин тадаракар маса къачунин) макьсадриз акъатзавай харжияр патал гьукуматдивай 100 000 (виш агъзур) манат къачуз жеда. Хабар гузвайвал, и кар патал кьве къайда ава.

1. Агьалидив ада тадарак маса къачуниз ва вичин участокда газ тухун патал авунвай кIвалахриз акъатнавай пул вахкуда. Раижзавай къейдерай гъавурда­ акьазвайвал, и кар патал яшайишдин­ ­рекьяй хуьдай идарадив (соцзащита)­ и документар агакьарун герек къведа:­ ­пас­порт, хизандин составдиз талукь справка, кIвалахар тухун патал теш­ки­лат­­дихъ галаз кутIуннавай икьрар, тада­ра­к маса къачунвайди къалур­завай чек, кIвалахрай пул ганвайди къалурзавай квитанцияр, агьали и серенжемдикай менфят къачуз жедай категориядик акатзавайди тестикьарзавай документар…
2. КIвал газдалди таъминариз ва тадарак къачуз кIвалин иесиди пулдин­ такьатар харж тавунани ийиз жеда. И кар патал герек я: газдин компаниядихъ галаз газдин турба кIвализ гъунин патахъай­ икьрар кутIунун; и икьрар ва и серенжем­дикай менфят къачуз жедай катего­рия­дик акатзавайди тестикьарзавай доку­мен­­тар­ яшайишдин рекьяй ­хуьдай идарадиз­ вугун. Яша­йишдин рекьяй хуьдай идаради газдин компанияди и макьсадриз ийизвай харжийрин гьакъи арада масад авачиз гуда.

Вичикай ихтилат физвай и жуьредин куьмек инвалидриз, гзаф аялар авай ва я тIимил дуллух агакьзавай хизанриз, тек­ пенсионерриз ва маса категорийрин агьалийриз гузва. И кардин жигьетдай генани тамам баянар «Да­гъустан патал газ» телеграм-каналдай кIе­лиз, гьакI интернетдин маса чешмейрайни чириз жеда.

Пулдин такьатар

Селлер атуникди зиянар хьанвай да­гъустанвийрив 1 миллиард манатдилай­ гзаф пулдин такьатар агакьарнава. Ида­кай РД-дин Гьукуматдин телеграм-ка­нал­ди хабар гузва.

Кьилди къачуртIа, 29-майдиз чешмеда чапнавай делилралди, чпикай ихтилат физвай пулдин такьатар 32 101 касди къачунва. И серенжемар патал 1 миллиардни 2 миллион акъатнава.

Къейд ийин хьи, селлер атуникди зия­нар хьайибуруз куьмекар гуниз талукь рекъемар йикъалай-къуз дегиш хьун мумкин я.

Гьазурвал акун патал

ХъуьтIуьз гьазурвал акун патал Даг­энергоди 2026-йисуз 1,24 миллиард манат къачуда. 2026-йис патал технический жигьетдай къуллугъуниз ва ремонт авуниз талукь программа сетевой компанияди алай йисан 1-июндалди тестикьарда. Идакай РД-дин энергетикадин ва тарифрин министрдин везифаяр вахтуналди тамамарзавайди тир Марат Шихалиева махсус мярекатдал авур къейдерал асаслу яз, республикадин кабминдин те­леграм-каналди раижзава.

Кьилди къачуртIа, вичикай ихтилат физвай программадин сергьятра аваз, даяхар, симер дегишарунин ва 6(10)/0,4 кВ.-дин трансформатордин подстанцияр ремонт авунин кIвалахар кьиле тухуда.

ТIимил ­хьанва

Дагъустанда, 2025-йисав гекъигайла, (чеб дуьньядал атай сад лагьай йисан къене) аялар кьиникьин кьадар 9,8 процентдин тIимил хьанва, 2024-йисав гекъигай­ла, – 43,1 процентдин. Идакай РД-дин Гьуку­мат­дин телеграм-каналди хабар гузва.

Чешмеди раижзавайвал, и месэладиз талукь гьалдикай махсус мярекатдал РД-дин здравоохраненидин министрдин везифаяр вахтуналди тамамарзавайди тир Я. Глазова баянар гана.

Хабар гузвайвал, аялрин кьиникьиз талукь ахтармишун республикадин медицинадин идарайрин оперативный делилрин бинедаллаз кьиле тухванва.

ИкI, 2026-йисан 3 вацра аялар кьинин рекъем 3,7 промилледикай ибарат хьанва, 2025-йисуз – 4,1, 2024-йисуз – 6,5 про­милле (къейд ийин хьи, регьят гафаралди лагьайтIа, промилле – им 1000-дакай 1 лагьай чIал я). И къайда, 2025-йисав гекъигайла, аялар кьинин кьадар, винидихъ къейднавайвал, 9,8 процентдин агъуз аватнава, 2024-йисав гекъигайла, – 43,1 процентдин.

РикIел хкин, виликдай РД-дин здраво­ох­раненидин министерстводин те­леграм-­ка­налди хабар гайивал, Дагъустанда 2026- йисан сифтегьан кьуд вацра 13 агъзурдалай виниз чагъа­яр дуьньядал атанва.

Гьазурайди – Муса  Агьмедов