Чаз кхьизва
Гьуьрметлу «Лезги газетдин» редакция!
Газетдин 24-июлдиз чапдай акъатнавай 27-нумрада авай Бикеханум Алибеговадин «Чахъ хьайиди я чи гимияр зурба тир…» макъалада «Штулай тир духтур Фатьма Аликберовади Гъалиб Садыкъидиз вичин бадедин чIехи буба Рухун Али тирди лагьанай…» келимаяр ава.
И ва маса делилар хъсандиз кьатIуз жедайвал, за 2011-йисуз Фатьма Аликберовадин тухумдинни Рухун Алидин ва маса машгьур ксарин тухумрин алакъайрикай схема арадал гъанай. Белки, и месэла итижлу жедай ксар аватIа лагьана, ам за квел ракъурзава.
Зи дахди (Мегьамедсалигь Эфендиева) авур ихтилатрай малум тирвал, винидихъ къейд авур макъалада тIвар кьунвай Мегьамед Эфендиев Лев Толстоякай кхьенвай гъилин хатIарин яцIу дафтарни гваз Штулиз адан патав атанай. Зи дахди гъилин хатIариз вил вегьена. Дах а чIавуз жегьил муаллим тир. Адан гафарай, ахтармишайдалай кьулухъ яцIу дафтардикай кьелечIди амукьайла, Мегьамед Эфендиеваз дахдикай зурбаз хъел атаналдай. Магьмуд Эфендиеван кIвализ фейи чIавуз дахди вичиз ва маса атай-хъфей мугьманриз ада, Лев Толстоя гайиди я лугьуз, къелемни чернильница къалурдалдай…
Чими саламралди, Сабир Эфендиев
