Федерациядин Советди 2024-йисан 17-март сечкияр кьиле тухудай югъ яз тайинарна. 8-декабрдиз Россиядин сечкийрин центральный комиссияди малумарайвал, 2024-йисан 15-17-мартдин йикъара уьлкведин президент хкягъуниз талукь 8-сечкияр кьиле фида.
Закондин бинедаллаз, партийри 25 йикъан ва чпи чеб къалурзавайбуру 20 йикъан муддатда президентвиле кандидатар тайинарун лазим я.
Владимир Путин 2012-йисуз Президентвиле хкянай. 2018-йисуз ам кьвед лагьай сеферда хкя хъувуна. Идал къведалди ада 2000-2008-йисара уьлкведиз регьбервал гана. Алай йисан 8-декабрдиз Владимир Путина Россиядин Президентвиле кандидат яз къалуриз кIанзавайдакай малумарна. Адан тереф халкьдин фронтди, СРЗП-ди (регьбер — Сергей Миронов), жемиятдин цIудралди тешкилатри, агъзурралди агьалийри хуьзва.
Малум хьанвайвал, президентвиле кандидатар жедай ниятар журналист Е.Дунцовадихъ, юрист С.Липатовахъ, Госдумадин виликан депутат Б.Надеждинахъ, политик А.Рабиновичахъ, государстводин ва сиясатдин деятель И.Стрелковахъни ава.
«Лезги газет»
