И йикъара Нижний Новгороддай СВО-дин зонадиз нубатдин сеферда гуманитарный куьмек ракъурна. Мергьяматлувилин серенжемда чи ватанэгьли, «Дагъустандин халкьарин милли медениятдин центр» тешкилатдин председатель Алимегьамед Магьсубовани иштиракна.
«Пар тухудай са шумуд машинда аваз жуьреба-жуьре затIар ракъурна: блиндажар патал материалар, мотоциклияр, недай суьрсет… Женг чIугвазвай аскерри чи куьмек вилив хуьзва. Чна абурун патай атай тIалабун кьилиз акъудзава. Гьар жуьре миллетри иштиракуналди, чIехи пар гьазуриз алакьна. Дагъустандин милли центрадин патай чна 200 килограмм дуьгуь, хуьрекрин тIям хъсанардай затIар, къацу чай ракъурна. Ватандиз къуллугъзавай гьар са аскер сагъ-саламат хьурай», — лугьузва А. Магьсубова.
Чи мухбир
