Алатай гьафтеда РД-дин Кьил Сергей Меликован тапшуругъдалди, Украинада кьиле физвай махсус серенжемда иштиракзавай аскерриз недай-хъвадай суьрсет, яшайишда ва дяведин гьерекатра герек къведай бязи затIар рекье туна.
Идакай «Лезги газетдиз» республикадин Кьилин пресс-къуллугъди хабар гана.
Кьилди къачуртIа, СВО-дин зонадиз квадроциклияр, квадрокоптерар, радиостанцияр, генераторар, аккумуляторар ва хейлин маса затIар ракъурнава.
Куьмекдин серенжем тешкилунин карда РФ-дин Президентдин патав кардик квай Дагъустандин Векилханадин, «Единство» фондунин векилрини иштиракна.
Къейд ийин хьи, СВО гатIунайдалай кьулухъ СВО-дин зонадиз Дагъустанди 25 агъзур тонндив агакьна жуьреба-жуьре затIар рекье тунва.
Чи мухбир
