9-июндиз РД-дин Гьукуматдин Председатель Абдулмуслим Абдулмуслимов Дагъустандин А.Тахо-Годидин тIварцIихъ галай Милли музейдиз мугьман хьана. Къейд ийин хьи, тарихдин аманатар хуьзвай и макандин алай йисуз 100 йис тамам жезва.
«Лезги газетдиз» РД-дин Гьукуматдин пресс-къуллугъди хабар гайивал, эхиримжи 5 йисан къене музейдин игьтияжриз республикадин бюджетдай саки 300 миллион манат пул чара авуна.
Музейдин генеральный директор Пахрудин Мегьамедова республикадин премьер-министрдиз эхиримжи йисара музейда арадал атанвай цIийивилерикай, гьялна кIанзавай месэлайрикай ихтилатна ва ам надир экспонатрихъ галаз танишарна. Тарихдин ивирар хуьзвай маканда эцигнавай виридалайни къиметлу экспонатрин арада Дахадаев райондин Къала-Къорейш хуьруьн куьгьне мискIиндин ракIар (11-асир) ава. Санлай къачурла, музейдин фондара 180 агъзурдав агакьна экспонатар ава.
Мугьманвиле авай чIавуз А. Абдулмуслимова тарихдин метлебдин маканда кIвалахзавайбуруз музейдин 100 йис тамам хьун мубаракна ва ина зегьмет чIугвазвай са жерге юлдашрив гьукуматдин шабагьар вахкана.
Гегьеншдиз РД-дин Гьукуматдин сайтдай кIелиз жеда.
Агьмед Магьмудов
