Сергей Меликова Дагъустандин сад лагьай президент хьайи Муху Гимбатович Алиеваз 85 йисан юбилей мубаракна.

«…Пешекарвилин рекьин гьар са мензилда, регьбервал гудай къуллугърал, илимдин, жемиятдин кIвалахра Муху Гимбатовича руьгьдинни медениятдин дувулрихъ галаз авай алакъа садрани квадарнач, гъавурда аваз, ватанэгьлийрин вилик жавабдарвал гьиссиз, дагъвийрин намусдин кодексдин къанунар фикирда кьуна, кьетIи къарарар кьабулна.

Азадвилин, барабарвилин, стхавилин бинейрал Дагъустандин халкьарин садвал тешкилуни республика яшайишдинни экономикадин рекьяй вилик финиз таъсирдайди Муху Гимбатовичаз хъсандиз чизвай. И кардикай ада вичин «Между философией и политикой» ктабдани кхьенва. КIвалахдин рекьени ада гьа и принципдал амална…

Играми Муху Гимбатович, хайи Ватан авадан авуник, вилик тухуник чIехи пай кутунай за Квез сагърай лугьузва. Куьне хьиз халкьдин патай гьуьрмет къазанмишун чIехи бахт я. Квехъ чандин сагъвал, хушбахтвал, берекатар хьурай», — кхьена С. Меликова вичин телеграм-каналда.

Муху Алиеван юбилейдиз талукьарна Дагъустанда кьиле фейи мярекатрикай гегьеншдиз РД-дин Кьилин, РД-дин Гьукуматдин сайтрай кIелиз жеда.