Вичин ери-бине Кьуьчхуьррин хуьряй тир, Санкт-Петербургда яшамиш жезвай, «Питероценка» ООО-диз регьбервал гайи, «Омега-Пласт» тешкилатдин крар идара ийидай директорвиле кIвалахай, «Лезги газетдин» сайтда жемиятдиз, сиясатдиз талукь месэлайрай хейлин макъалаяр чапнавай чи ватанэгьли Фарид Нуьгьович Агъамов и мукьвара «Альбатрос» тешкилатдин генеральный директордин къуллугъдал тайинарнава.
2006-йисуз кардик акатай и тешкилатдин асул кIвалах гьуьлуьн портара жуьреба-жуьре гимийриз лоцманвилин рекьяй къуллугъ авун я. Гьуьлуьн карханайрин арада кIвенкIвечи чка кьазвай тешкилатдин регьбервилин къуллугъ мубарак авунихъ галаз сад хьиз, Фарид Нуьгьовичаз чна Ватандиз къуллугъ авунин жавабдар кIвалахда мадни агалкьунар хьун алхишзава.
«Лезги газетдин» редакциядин коллектив
