«Лезги газетдин» редакциядихъ галаз чи хуьрерай­ ала­­къа хуьзвай авторар тIи­­­мил авач. Ахьтинбурукай­ сад Кьурагьрин хуьруьн 1-нум­радин юкьван мек­тебда­ дидед чIалан муаллим­ яз кIва­лахзавай Абдула­ Се­медович­ Семедов я.

ЦIийи кIе­лу­нин йисан вилик адаз РФ-дин просвещенидин минис­тер­стводин приказдалди «Рос­­сиядин Федерациядин об­ра­зованидин хи­лен гьуьр­метлу къуллугъчи» тIвар ганва.

«Лезги газетдин» редакциядин коллективди Абдула муаллимдиз лайихлу дережа мубаракзава ва адахъ инлай кьулухъ мадни еке агалкьунар хьун алхишзава.

Дидед чIал ваз бине хьана

Хайи дидед хьиз.

«Дагъдин булах» рикIе хьана

Вилин нине хьиз.

 

Муаллимвал — асул кеспи

Хьана ви рикIе.

Несил патал зегьмет  чIугваз,

Авунач гьилле.

 

Ви къелемди машгьурна  вун,

Машгьурна ви кар.

Мердвилелди багъишна чаз

РикIиз хуш гафар.

 

Мубаракрай лайихлу тIвар,

Мадни хьуй машгьур!

Дережаяр хьурай кьакьан

Зегьметдалд къачур!