Са шумуд югъ идалай вилик Каспийскда азаддаказ кьуршахар кьунай PWL-дин (кьуршахар кьунай пешекарвилин лига) цIийи Catch сериядай, пешекарвилин сад лагьай турнирдин сергьятра аваз — чи ва къецепатан уьлквейрай тир спортсменрин иштираквал аваз, 14 бягьс кьиле фена.
ИкI, азаддаказ кьуршахар кьунай Олимпиададин 3 сеферда чемпион, вахтсуздаказ кечмиш хьайи Бувайсар Сайтиеван экуь къаматдиз бахшнавай и турнирда иштиракай чи ватанэгьлийрикай 60 кг-дал къведалди заланвал авайбурун арада Махач Абдуллаева Чечнядай тир Байсангур Осмаевахъ галаз бягьс 10:4 гьисабдалди ва вахт амаз гъалибвал къазанмишуналди акьалтIарна.
Чна ватанэгьлийриз нубатдин агалкьунар рикIин сидкьидай тебрикзава. Къуй абур мадни гьуьндуьр дережайриз хкаж хьурай, абурун агалкьунри чун инлай кьулухъни шадаррай!
