Москвада Украинада кьиле физвай махсус серенжемда иштиракзавай дагъустанвийрикай гьазурнавай «Сильные духом» документальный фильмдин презентация кьиле фена. Ана РД-дин Кьил Сергей Меликовани иштиракна.
Сергей Меликова фильмдиз еке къимет гана. Дагъустандин Кьилин фикирдалди, адаз килигдайла тамашачийриз жуьрэтлувилихъ, Ватандин вилик буржи тамамардайла къалурзавай вафалувилихъ, хайи накьвар патал чанар къурбанд авур аскеррин кьисметрихъ галаз мукьувай таниш жедай мумкинвал жезва.
«Сильные духом» проектдин автор СВО-да телеф хьайи офицер Азим Муслимован – диде, игит Муслим Муслимован эме Мегьрибан Муслимова я. Фильм тамам 6 вацран къене республикадин 12 райондани шегьерда гьазурнава.
ГьакIни С. Меликова къейд авурвал, проект кьилиз акъудунин карда РФ-дин Госдумадин депутат Султан Хамзаевани куьмекар гана.
«Лезги газет»
