Мукьвара РД-дин зегьметдин ва яшайишдин рекьяй вилик финин министр Мурад Къазиев вичин хушуналди алай къуллугъдилай элячIна.
Гуьгъуьнлай Сергей Меликован Указдалди Дагъустан Республикадин зегьметдин ва яшайишдин рекьяй вилик финин министрдин везифаяр вахтуналди тамамарзавайди яз Мегьамедзагьид Кихасуров тайинарна.
Ам 1986-йисуз Унцукул райондин Ирганай хуьре дидедиз хьана. 2007-йисуз информатик-экономист пешекарвиляй ДГТУ акьалтIарна.
2016-2021-йисара М. Кихасурова РД-дин Кьилин ва Гьукуматдин Администрациядин са управленида государстводин шабагьрихъ галаз алакъалу отделдин начальникдин везифаяр тамамарна. 2021-йисалай инихъ ада РД-дин зегьметдин ва яшайишдин рекьяй вилик финин министрдин статс-секретарь-заместитель яз кIвалахзавай.
Агьмед Магьмудов
