РФ-дин Гьукуматдин Председателдин заместитель Александр Новака РД-дин Кьил Сергей Меликовахъ галаз гуьруьш кьиле­ тухвана. Идакай «Лезги газетдиз» Дагъустандин Кьилин ва Гьу­куматдин Администрациядин пресс-къуллугъди хабар гана­.

Гуьруьшдал 2023-йисалди Да­гъустандин энергетикадин къуру­луш вилик тухудай цIийи прог­рамма арадал гъунин месэлаяр веревирдна.

РикIел хкин, цIийи программа кьабулна кIанзавайдакай Сергей Меликова идалай виликни лагьанай. Адан фикирдалди, алай вахтунда кардик квай программади республикадин игьтияжар тамамдиз таъминарзавач.

А.Новака гьакIни С. Меликовахъ галаз Дагъустандин энергетикадин къурулуш цIинин йисан зулунни хъуьтIуьн сезондиз гьазур хьунин, энергетикадин ва ЖКХ-дин карханаяр экономикадин рекьяй вилик тухунин месэлаярни веревирдна.

Вице-премьерди региондин гьу­кумдин кьилевайбурал Дагъус­танда зирзибил кIватIзавай, гьялзавай къурулушарни Махачкъаладинни Каспийскдин агломерациядин инфраструктурадин проектар тамамдиз ЖКХ-дин къуллугъралди таъминаруниз пулдин такьатар чара авунин месэлаяр федеральный дережадин ведомствойрихъ галаз веревирд авун тапшурмишна.

Чи мухбир