Са шумуд югъ идалай вилик СтIал Сулейманан районда футболдай кьиле тухвай мергьяматлувилин къугъун, лап кьитдиз гьалтзавай чIуру азардикди (миодистрофия Дюшенна) начагъ ва адакай сагъарун патал миллионралди пул герекзавай 10 йиса авай Мансур Бремоваз куьмек гун яз, райадминистрациядин спортдин, туризмдин ва жегьилрин крарин рекьяй комитетди тешкилнавай. Спортдин ветеранри ва футболдал рикI алай ксари и серенжемдин тереф хвена.
Спортдин ветеранрин арада къизгъиндаказ кьиле фейи къугъун 4:4 гьисабдалди акьалтIна. Мергьяматлувилин серенжемдин сергьятра аваз, спортдин ветеранри, гьакI футболдал рикI алай ксари кIватIай пул авай конвертдихъ галаз Мансураз Махачкъаладин футболдин «Динамо» клубдин парталрин комплектни гана.
Чи мухбир
