Алкьвадар Гьасанан тIварцIихъ галай медениятдинни марифатдин центрадиз Ямин гьажи Мегьамедован “Пак Къуръан ва адан манайрин таржума лезги чIалал” ктаб аудио-озвучка авуна (гафар сесериз элкъуьрун) кIанзава. Центради и кар кьилиз акъудунин карда герек къведай диктор жагъурун патал конкурс малумарзава.
Конкурсда иштиракиз кIанзавайбур патал са шумуд шартI ава:
текстер кIелзавай кас итим хьун;
текстер фасагьатдиз кIелиз алакьун;
“Пак Къуръан ва адан манайрин таржума лезги чIалал” ктаб кIелнавай кас хьун;
динда авай кас хьун;
хъсандиз лезги чIалал кIелиз чир хьун;
хци, кьетIен сес хьун.
Гъалибчи конкурсдин жюриди хкяда ва адахъ галаз ктаб аудио-озвучка авунин жигьетдай кьиле тухудай кIвалахдин гьакъиндай икьрар кутIунда.
Конкурсда иштиракиз кIанзавайбурувай центрадихъ галаз 8-989-653-42-35 нумрадин (ватцапдин) куьмекдалди алакъадиз экъечIиз жеда.
Эгер иштиракдай ксарихъ виликдай чпи гьазурнавай аудио-озвучка аватIа, абур, жюридин векилар таниш хьун патал, винидихъ къалурнавай нумрадин ватцапдиз рекье тун тIалабзава.
«Лезги газет»
