РФ-дин къецепатан крарин министерстводин информациядинни печатдин департаментдин директор Мария Захаровади 27-майдиз Махачкъалада Россиядин ва къецепатан уьлквейрин журналистар патал брифинг кьиле тухвана.
Мярекатдин эвел кьиляй М. Захаровади Дагъустандикай вичин фикирар лагьана ва Дагъларин уьлкве Россиядин регионрин арада вичел фикир желбзавайбурукай сад тирди къейдна.
«Дагъустан дурумлудаказ виликди физва, ина стхавилелди, дуствилелди са шумуд цIуд миллет яшамиш жезва… Геостратегиядин жигьетдайни Россиядин виридалайни кьибле регион гзаф менфятлу мулкара экIя хьанва. Дагъустандай гьуьлуьн международный рекьериз экъечIдай мумкинвилер ава», — лагьана М. Захаровади.
Брифингдин сергьятра аваз, М. Захаровади 6-июндиз Москвада, РФ-дин МИД-дин регьбер Сергей Лаврованни РД-дин Кьил Сергей Меликован иштираквал аваз, Дагъустандихъ экономикадин ва туризмдин рекьяй авай мумкинвилериз талукь презентация кьиле фидайдакай лагьана, журналистрин суалриз жавабар гана.
Гегьеншдиз РД-дин Кьилин Администрациядин ТГ-каналдай кIелиз жеда.
Чи мухбир
