СтIал Сулейманан райондин межрайонный прокуратуради школа эцигунихъ галаз алакъалу яз пудратчи тешкилатдин регьбердин гьакъиндай лутувиляй (РФ-дин УК-дин 159-статьядин 4-пай) къарагъарнавай уголовный делодай тахсир тестикьарзавай къарар кьабулна.
Силисдин версиядалди, 2020-йисалай 2022-йисалди тахсир кутазвай касди, СтIал Сулейманан райондин Агъа СтIал-Къазмайрал школа хкажунин госконтракт кьилиз акъудунай жавабдар яз, къалурнавай кIвалахар тамамвилелди кьилиз акъуднач. И кар ада къастунай авуна. Заказчикдиз, РД-дин хуьруьн майишатдин ва суьрсетдин министерстводиз, ада кIвалах кьабулнавайвилин актар ва тамамарнавай кIвалахрин къиметар алаз справкаяр агакьарнавай. Абура кIвалах авунвайдалай артух ва пулдин кьадарни 1,8 млн манатдилай виниз къалурнавай. Гьа икI, тахсиркарвилин кIвалахрин нетижада министерстводиз еке зиян ганва. Тахсиркарди ганвай зиян тамамвилелди чкадал хканва.
Прокуратуради уголовный дело СтIал Сулейманан райондин суддиз рекье тунва.
«Лезги газет»
