Мукьвара Махачкъалада, Шииратдин театрда, лезги музыкадинни шииратдин межлис кьиле фена. Ам лезги музыка арадал гъуник лайихлу пай кутур машгьур ва бажарагълу устадрин яратмишунрин кьисметриз бахшнавай. Мярекат Россиядин искусствойрин лайихлу деятель, сейли композитор Мегьамед Гьуьсейнова кьиле тухвана.
Межлисдин сергьятра аваз иштиракчийри Готфрид Гьасанован, Эльза Ибрагьимовадин, Сейфулла Керимован, Зейнал Гьажиеван ва Мегьамед Гьуьсейнован эсеррихъ яб акална.
Къейд ийин хьи, и мярекат лезги шииратдин, театрдин ва музыкадин культурадин гьафтедин сергьятра аваз тешкилнавай.
«Лезги газет»
