ДаркIуш-Къазмайрин хуьр СтIал Сулейманан райондин центрадивай кефердинни рагъэкъечIдай патахъ 24 километрдин мензилда, Гуьлгери вацIун чапла къерехда, экIя хьанва.
ДаркIуш-Къазмайрин бине дагълух куьгьне ДаркIушрин хуьряй 1966-йисуз куьч хьайи агьалийри кутуна. Бязи чешмейри тестикьарзавайвал, 1967-йисуз цIийиз арадал атай хуьруьз Рутул райондин Врушдилайни, 1968-йисуз Кьурагь райондин Шимихуьряйни агьалияр куьчарна.
Чи йикъара хуьре 840-далай гзаф кIвалер ава, 2500-далай виниз агьалияр яшамиш жезва.
Мурад Мегьамедкеримован
«СтIал Сулейманан район: тарихдин гелерай» ктабдай.
