15-17-майдин йикъара Дагъустандин мулкунал уьлкведин хуьруьн майишатдин хел патал важиблу мярекат — Россиядин жинсинин хиперин ва цIегьерин 25 лагьай выс­тавка кьиле тухуда.

Юбилейдин выставкадал  жинсинин хипехъанвилин  хиле хьанвай виридалайни виниз тир агалкьунар, малдарвилин суьрсет гьасилунин ва гьялунин алай аямдин технологияр  майдандиз акъудда.  Анин тешкилатчияр  Россиядин хуьруьн майишатдин минис­терство, Дагъустандин  гьукумат, хипехъанрин милли союз я. Выставка Дагъустандин чилел галаз-галаз кьиле тухуз им пуд лагьай йис я — Россиядин лапагрин умуми кьадардин вадан са пай республикадал гьалтзава.

Мярекат Каспийскдин «Анжи-Арена» ста­диондин мулкунал кьиле фида. Ада уьл­к­ведин 13 региондай тир  ва жинсинин  лапагар хуьнал машгъул 60-далай гзаф майишат­ри, гьа жергедай яз Дагъустандин малдаррини иштиракда.  РД-дин хуьруьн майишатдин ва недай суьрсетдин министерстводи хабар гузвайвал, выставкада илимдин ва жемиятдин тешкилатрин, бизнесдин, хипехъанвилин­ суьрсет  гьялунал машгъул карханайрин векилри иштиракунни гуьзлемишзава.

Амина  Муслимова