Итижлу делилар

.  Дуьньяда авай инсанрикай 11 процент чаплахъанар я.

.  Инсандин беденда ивидин вири дамаррин яргъивилел санлай саки 96 агъзур километр ала.

.  Инсандин шуькIуь ратунал тахминан 2,5 метр яргъивал ала.

.  Самолетда аваз физвай вахтунда инсандин чIарар экъечIунин йигинвал кьве сеферда артух жезва.

.  Эгер гьар юкъуз 20 декьикьада сейрдиз экъечIайтIа, йисан къене инсандин бедендилай тахминан 3 килограмм пи алатда.

.  Жирафдиз са юкъуз ксун патал 2 сят вахт герек жезва, шуьтруь рангунин кьаркьулувдиз лагьайтIа, – 20 сят.

.  Гьатта вад мертебадин дараматдай аватайтIани, гьамбардин кьифрез хасаратвал тахьун мумкин я. 

.  Нек хъвадай гьайванрикай виридалайни чIехиди вили кит я. Адан заланвал 23 филдин заланвилиз барабар я.

.  Вагьши гьайванри цIайлапанди яна кьейи маса гьайванар недач.

.  Дуьньяда виридалайни кьакьан тар Австралияда малум хьана: 1872-йисуз ина са эвкалипт тарцин кьакьанвилел 132 метр алайди тестикьарна. 

.  Варз Чилелай 18 сеферда кьезил я.

.  Англиядинни Занзибардин арада 38 декьикьада давам хьайи дяве та­рихда виридалайни куьруьди яз гьисабзава.

.  1811 ва 1812-йисара хьайи залзалади (тахминан 8 баллдин) Миссисипи вацIун яд кьулухъ элкъуьниз мажбурна.

.  Машгьур писатель Ханс Кристиан Андерсена кхьинар гьамиша гзаф гъа­латIар кваз ийидай.

.  Сахарадин сергьятра авай Тегаза шегьерда цлар кьелен къванцикай эцигнавай кIвалер малум я. Инаг Чилел алай виридалайни кьуру чкайрикай яз гьисабзава.

.  Антарктидада авайди тек са Оникс вацI я. Ам йисан вахтунда анжах 60 юкъуз­ авахьзава.

.  Санлай къачурла, виридалайли ас­кIан буйдин инсанар японвияр я.

.  Грециядин милли гимн 158 бендиникай ибарат поэмадай я. Амма уьлкведин официальный гимн эсердин сифтегьан 24 куплет яз гьисабзава.

.  Китай чIал дуньяда виридалайни машгьур я.

"Лезги газет"