Бразилиядин ябиру
Шикилдай аквазвайди гьажилеглегрин жинсиникай тир къуш я. Латиндин Америкадин уьлквейра яшамиш жезвай и къушраз Бразилиядин ябиру лугьузва. Еке хьанвай ябирудин яргъивилел 1,2 метр хьун мумкин я, кIуфун яргъивилел — 30 сантиметр. Ахъайнавай луварин яргъивал 2,6 метрдив агакьда.
ЦIакулар асул гьисабдай лацу рангунинбур жеда, гардан, кьил ва кIуф — чIулав ва къати яру рангунинбур. Адет яз, и къушар лужаралди вацIарин, вирерин къерехра яшамиш жеда. Ябируйри асул гьисабдай балугъар, гьакIни хур галчIуриз фидай ва нек хъвадай бязи гъвечIи гьайванар неда. И къушари чпин мукар кьакьан тарара туькIуьрзава.
«Лезги газет»
