Балос

Крит островда авай Балос бухта дуьньядин гуьрчег чкайрикай сад яз гьисабзава. Ана Ионический, Эгейский ва Ливийский гьуьлерин ятар сад жезва. Лацу къумадин пляждал ял ягъун, аби ва къацу рангарин тавар авай михьи це сирнав авун патал инсанар бухтадал физва. Анай гъвечIи гимида аваз 15 декьикьада Имери-Грамвуса островдал кьван физ ва Венециядин къеледиз килигиз жезва.

Балос бухта гарарикай рагари хуьзва, гьавиляй и чкада гьуьл секинди, еке лепеяр алачирди я. Бухтадал гьар юкъуз агъзурралди туристар физва. Балосдин кеферпата Римдин къадим Агнион шегьердин харапIаяр экIя хьанва.

«Лезги газет»