Хив райондин КьванцIилрин хуьр целди таъминардай къурулуш туькIуьрунин проектдиз государстводин экспертизади ра­зивал ганва, хабар гузва РД-дин эцигунрин, архитектурадин ва ЖКХ-дин министерстводи. 

Къейд ийин, РД-дин  «Проектрин государст­водин экспертиза»­ ГАУ-ди Кьван­цIил­рин хуьруьз яд ага­кьардай турба­ чIугунин проект­ «Яша­йишдин кIва­лер ва шегьердин шартIар» милли проектдик акатзавай федеральный  «Михьи яд»  проект уьмуьрдиз кечирмишунин сергьятра аваз кьабулнава.

Хабар гузвайвал, мукьвал тир вахтунда  пудратчи тайинарунин серенжем кьиле фида ва идалай кьулухъ жемятди яргъалди гуьзлемишай  хъвадай цин турба тухунин кIвалахар кьилиз акъудиз башламишда. И кардин нетижада КьванцIилар дурумлудаказ михьи ва ерилу целди таъминарда.

«Яшайишдин кIвалер ва шегьердин шартIар» милли проект­дик акатзавай федеральный  «Михьи яд»  программа РФ-дин Президент Владимир Путинан тапшуругъдалди арадал гъанва. И прог­раммадин сергьятра аваз, РФ-дин 83 субъектда хъвадай целди таъминардай  ва яд хъун патал гьазурдай (михьи ийидай) объектар эцигзава ва я бинедилай цIийи­кIа туькIуьр хъийизва.

Чи мухбир