Дагъустанда алай йисан 1-декабрдилай 2026-йисан 1-февралдал кьван пилот галачир авиациядин кьушунрин (БпС) подразделенийра икьрардин бинедаллаз къуллугъдайбур кьабулиз гатIуннава.
РикIел хкин, цIийи кьушунар арадал гъизвайдакай 2024-йисан декабрдин вацра хабар ганай. ЦIинин йисан ноябрдиз БпС-дин кьушунрин начальникдин заместитель Сергей Иштуганова кьушунар тешкилна акьалтIарнавайди малумарна.
Икьрардин бинедаллаз БпС-дин кьушунра 1 йисуз къуллугъ ийиз кIанзавайбур патал са жерге шартIар ава. Сад лагьайди пешекарвилихъ галаз алакъалу я. БпЛА идара ийидай операторрихъ кьилин, юкьван пешекарвилин образование ва абуруз ингилис чIал чир хьун герек я. Инженерар (техникар) патал юкьван пешекарвилин образование хьун бес жезва.
БпС-дин кьушунра къуллугъун патал 18-35 йисарин яшара авайбур кьабулзава.
Дагъустанда БпС-дин кьушунрин подразделенийра къуллугъун патал икьрар кутIунзавайбуруз пулдин куьмекарни гузва:
400 агъзур манат (федеральный дережадин куьмек);
500 агъзур манат (региондин дережадин куьмек);
100-500 агъзурдал кьван (муниципалитетдин дережадин куьмек).
Къуллугъзавайбуруз гьар вацра гузвай мажибдин кьадар 210 агъзурдалай гатIунда.
Къейд ийин хьи, БпС-дин пешекарриз, къуллугъдин рекьяй дуьшуьш жезвай кьетIен гьалар фикирда кьуна, гьар вацра гузвай мажибдилай гъейри, алава пулдин куьмекарни гудайвал я. Алава такьатар мидяйрин дяведин махсус техникадин уьлчмеяр ва объектар терг авунайни чара ийида.
БпС-дин кьушунра къуллугъ авуниз талукь суалрин патахъай 8 (989) 484-69-95 нумрадиз зенг авуртIа жеда.
Чи мухбир
