Балугърал машгъул Дагъустандин карханади алай йисуз куьр гьазурун 36 процентдин артухардайвал я. Ихтилат Къизляр районда «Кавказ.РФ»-дин куьмекдалди кардик кутунвай балугърин чIехи комплексдикай физва.

Карханадин пешекарриз цIи 1,7 тонн куьр гьасилдай къаст ава. Шазан нетижайрив гекъигайла, 36 процентдин артух хьун вилив хуьзва. Балугъар кутунал ва абур хуьнал машгъул комплексди 2019-йисалай «СК-АКВА» тешкилатдин бинедал кIвалахзава.

«Къе карханади вири къуватривди кIвалахзава. Куьр кIватI хъувун кьуд сеферда артух хьанва. КIвалахдай цIийи чкаяр арадал гъанва, чи суьрсет гьам уьлкведин регионра, гьамни къецепата машгьур хьанва», — малумарна «Кавказ.РФ»-дин генеральный директордин заместитель А.Цемаховича.

Къейдзавайвал, йисан эвел кьилелай къедалди «СК-АКВА» тешкилатди 1,6 тонн куьр кIватI хъувунва.

«Лезги газет»