РД-дин Кьил Сергей Меликова и йикъара Махачкъалада Россиядин энергетикадин министрдин заместитель Петр Конюшенкодихъ ва РФ-дин экономикадин рекьяй вилик финин министрдин заместитель Сергей Назаровахъ галаз гуьруьш кьиле тухвана. Абуру Дагъустандин электросетрин къурулуш вилик тухунин месэлаяр веревирдна.
Малум хьайивал, республикадин энергетикадин ва ЖКХ-дин карханаяр экономикадин рекьяй дурумлудаказ вилик тухуниз кьетIен фикир гуда.
П. Конюшенкоди къейд авурвал, федеральный центр Дагъустан чкадин агьалияр хъсан еридин энергиядалди таъминарунин жигьетдай ацалтзавай четинвилер арадай акъудунин карда куьмек гуз гьазур я. Гьалар дибдай хъсан патахъ дегишарун патал гьатта махсус программани кьабулнава.
Ада алава хъувурвал, Кеферпатан Кавказдиз, иллаки Дагъустандиз РФ-дин Гьукуматдин Председателдин энергетикадин хел идара ийизвай заместитель Александр Новака еке фикир гузва. Гьам энергетикадин, гьамни экономикадин рекьяй вилик финин министерствояр республикадиз куьмек гуз гьазур я.
Чи мухбир
