Дагъустандин Кьил Сергей Меликован Указдалди Темирханов Марат Мусинович государстводин закупкайрин рекьяй комитетдин председателвиле тайинарна. Виликдай алай Азер Нефталиев вичин хушуналди и къуллугъдикай азаднава.
Марат Темирханова виликдай Дагъустандин прокуратурада кIвалахна. 2025-йисан 28-февралдилай ам РД-дин Кьил Сергей Меликован советник тир. М. Темирханован бинеяр СтIал Сулейманан райондай я.
Маса Указдалди Омаров Исмаил Мегьамедович Дагъустандин карчивилин ва инвестицийрин рекьяй агентстводин регьбердин везифаяр вахтуналди тамамардай къуллугъдал тайинарнава.
Омарован 49 йис я, ам Махачкъалада дидедиз хьана. Агентствода ада 2024-йисалай идарадин регьбердин заместителвиле кIвалахна. И чIавалди Къизляр шегьердин ва Къумтуркъала райондин прокуратурайра кIвалахна. 2020-2024-йисара Хасавюрт шегьердин прокурорвиле кIвалахна.
И къуллугъдал алай Гьажимурад Исрафилов вичин хушуналди кIвалахдилай элячIна.
«Лезги газет»
