7-майдиз Кремлда Владимир Путин Россиядин Федерациядин Президентдин къуллугъдив эгечIуниз талукь шадвилин мярекат кьиле фена.
Сиясатдин метлеблу мярекат Кремлдин ЧIехи дворецдин Андрееван залдиз шад гьалара Россиядин Государстводин пайдах, Президентдин Штандарт, Россиядин Конституция ва Россиядин Президентдин Знак гъунилай гатIунна.
РФ-дин Конституциядин 82 – статьядив кьадайвал, Россиядин Федерациядин Советдин членрин, Государстводин Думадин депутатрин ва Конституциядин суддин судьяйрин иштираквал аваз, Владимир Путина Россиядин кьин кьуна. Конституциядин суддин Председатель Валерий Зорькина Россиядин Федерациядин Президентдин къуллугъдив Владимир Путин эгечIнавайдакай малумарна.
Гуьгъуьнлай Соборный майдандал Россиядин Президент, Россиядин Федерациядин Яракьлу Къуватрин Верховный Главнокомандующий Владимир Путиназ, ам къуллугъдив эгечIуниз килигна, Президентдин полк къалурна. Государстводин Кьили полк тешкилайдалай инихъ 88 йис хьун мубаракна.
ИкI, Владимир Путин ругуд йисан вахтунда Россиядин Президентдин къуллугъ кьиле тухунив эгечIна.
Чи мухбир
